Dyqani bamirës në Prishtinë, projekt i Shoqatës Bamirëse "Bereqeti", i realizuar në bashkëpunim me komunën e Prishtinës është rinovuar me qëllim të përmirësimit të kushteve për familjet përfituese. 
Prej dy vitesh ky dyqan u shërben familjeve në nevojë të cilët furnizohen rregullisht me produkte bazike ushqimore dhe artikuj tjerë të domosdoshëm. Me rastin e përfundimit të punimeve të brendshme dyqanin bamirës e vizituan Myftiu i Kosovës, Naim ef. Tërnava Kryetari i Komunës së Prishtinës, Përparim Rama, Drejtoresha për mirëqenie sociale në Komunën e Prishtinës, Adelina Sahiti, Drejtori i Shoqatës Bamirëse "Bereqeti", Xheladin Fazliu si dhe përfaqësues të institucioneve dhe zyrtarë komunal.